ဘာဖြစ်လို့ ကြို့ထိုးရသလဲ။ ဒါပေမဲ့ ဖြစ်နိုင်ချေကို စဉ်းစားကြည့်တော့ ၀ါယောဓာတ်ဖေါက်ပြန်မှုကြောင့်ဆိုတဲ့အကြောင်းကို သွားတွေ့တယ်။ ကျနော်တို့ကိုယ်မှာ လည်ပတ်နေတဲ့ လေခြောက်မျိုးရှိတယ်လို့ မှတ်သားဖူးတယ်။ အဲဒါတွေကတော့---
(၁) ပျို့အံခြင်း၊ လေချဉ်တက်ခြင်းစတဲ့ အထက်ပါးစပ်သို့ဆန်တက်လာတဲ့လေ၊
(၂) လေလည်ခြင်း၊ ၀မ်းသက်ခြင်းစတဲ့ အောက်သို့သက်ဆင်းသွားတဲ့လေ၊
(၃) ၀မ်းဗိုက်အတွင်းလည်ပတ်နေတဲ့လေ၊
(၄) အစာအိမ်အတွင်းမှာ လည်ပတ်နေတဲ့လေ၊
(၅) ထွက်သက် ၀င်သက်လေနဲ့
(၆) တစ်ကိုယ်လုံးရှိကိုယ်အင်္ဂါတွေမှာလည်ပတ်နေတဲ့လေတွေပဲဖြစ်ပါတယ်။

ကြို့ထိုးတဲ့အခါ လေဟာအထက်ကိုဆန်တက်လာပြီး ခဏခဏပျို့အန်တာမျိုးတွေဖြစ်တတ်ပါတယ်။ ဗိုက်ထဲမှာလည်ပတ်နေတဲ့လေဟာ လမ်းကြောင်းလွဲပြီး ထွက်ပေါက်ရှာတဲ့သဘောလားလို့ ယူဆရတယ်။ ကျနော်တွေးကြည့်တာပါဗျာ။ မှားချင်လဲမှားပေမပေါ့။ ကျနော်တွေးမိသလောက်အကြောင်းကတော့ အထက်မှာပြောခဲ့သလို ကိုယ်မှာလည်ပတ်နေတဲ့လေတွေဟာ အကြောင်းတစ်မျိုးမျိုးကြောင့် သူသွားနေကျလမ်းကြောင်းပေါ်မရောက်ပဲ ဘေးချော်ပြီး ပါးစပ်ထဲရောက်လာတာနဲ့တူပါရဲ့။ အကြောင်းတွေကို လိုက်ရှာကြည့်တော့ အနောက်တိုင်းဆေးပညာရှင်တွေက ကြို့ထိုးရခြင်းအကြောင်းတွေကို အတော်များများရှာပေးထားသဗျား။

hiccup သို့မဟုတ် hiccough လို့ခေါ်တဲ့ ကြို့ဟာ ဘာ့ကြောင့်များထိုးရသလဲဆိုတဲ့အကြောင်းတွေကတော့ အောက်ပါအတိုင်းဖြစ်ကြောင်းပါ။
(၁) ကိုယ်ထဲမှာ ရေဓာတ်အားနည်းခြင်း၊
(၂) အစာကို ခပ်မြန်မြန်စားခြင်း၊
(၃) ဆာလောင်မွတ်သိပ်ခြင်း၊
(၄) ပူပူလောလောအစာကိုစားရင်း အအေးသောက်ခြင်း၊
(၅) လေချဉ်တက်ခြင်း၊
(၆) အလွန်စပ်သောအစာကို စားခြင်း၊
(၇) မရပ်မနားရယ်မောခြင်း၊
(၈) ချောင်းဆိုးခြင်း၊
(၉) အရက်သေစာ အမြောက်အများသောက်ခြင်း၊
(၁၀) ရှိုက်ကြီးတင် ငိုကြွေးခြင်း၊
(၁၁) ဆေးလိပ်သောက်တဲ့အခါ တအားရှိုက်သွင်းခြင်း၊
(၁၂) စကားကို အကြာကြီးပြောဆိုခြင်း၊
(၁၃) ချွဲဟန့်ခြင်း စတဲ့ အကြောင်းတွေပါပဲ။ အခြားအကြောင်းတွေလဲ အတော်များများကျန်ပါသေးတယ်။

ဒီအကြောင်းတွေကို စစ်ကြည့်လိုက်မယ်ဆိုရင် ၀ါယောဓာတ် သို့မဟုတ် လေဓာတ်နဲ့များစွာ ဆက်စပ်နေတာတွေ့နိုင်တယ်။ များသောအားဖြင့် အဲဒီအကြောင်းတွေထဲက တစ်ခုခုကြောင့်ဖြစ်တဲ့အတွက် လေလည်ပတ်မှု မညီမညွတ်ဖြစ်ပြီး ကြို့ထိုးတော့တာပါပဲ။ ဒီတော့ ကျနော်ကစဉ်းစားတယ်။ လေမညီမျှလို့ ကြို့ထိုးရင် လေညီမျှအောင်လုပ်ပေးရမယ်။ ဒါဆို ကြို့ထိုးရောဂါချက်ချင်းပျောက်နိုင်တယ်။ အဲဒီလိုတွေးပြီး ဘာလုပ်လဲဆိုတော့---
တရားထိုင်သလို ခါးကိုဆန့်အောင်ထားပြီး ထိုင်လိုက်တယ်၊ ပြီးတော့မှ သန့်ရှင်းတဲ့လေကို အားရပါးရ တဖြေးဖြေးခြင်းရှူသွင်းပြီ တတ်နိုင်သလောက် ဗိုက်ထဲမှာသိပ်ထားလိုက်တယ်။ ဆိုလိုတာက အသက်အောင့်ထားလိုက်တယ်။ အဲဒီလို အသက်အောင့်လို့ မနိုင်တော့တဲ့အခါကျမှ လေကိုတဖြေးဖြေးခြင်း ပြန်မှုတ်ထုတ်လိုက်တယ်။ ပြောမယ်ဆိုရင် ထွက်သက်ဝင်သက်ကို နှစ်ချက်မဟုတ်ပဲ သုံးချက်နည်းကို သုံးလိုက်တယ်။
(၁) သန့်ရှင်းတဲ့လေကို တဖြေးဖြေးခြင်းရှူသွင်းခြင်း၊
(၂) ၀င်လာတဲ့လေကို ၀မ်းဗိုက်ထဲမှာ ကြာနိုင်သလောက်ကြာအောင်သိမ်းထားခြင်း၊
(၃) မအောင့်နိုင်တော့တဲ့အချိန်ကျမှ တဖြေးဖြေးခြင်း ပြန်လည်မှုတ်ထုတ်ခြင်း၊

အဲဒီလို တစ်ခါကနေ သုံးခါအထိ အလွန်ဆုံးပဲ လုပ်ရတယ်။ ကျနော်ဆို တစ်ခါတည်းနဲ့ကို ပျောက်တယ်။
ကျနော်တို့နေ့စဉ်ဘ၀မှာ လေကို ရှူသွင်းပြီး ချက်ခြင်းပြန်ရှူထုတ်တယ်။ ဒါကတော့ ပုံမှန်ဖြစ်စဉ်ပေါ့။ သတိတွေဘာတွေ မပါသေးဘူး။ တရားထိုင်တဲ့အခါကျတော့ အဲဒီဖြစ်စဉ်ကိုပဲ သတိနဲ့ကပ်ပြီး ရှူသွင်းမှု၊ ရှူထုတ်မှုတွေကို လိုက်မှတ်နေရတယ်။ ဒါက တရားထိုင်တဲ့အခါ အသက်ရှူတဲ့နည်းပေါ့။ အဲဒီနှစ်မျိုးစလုံးမှာ အသက်ရှူမှုဟာ နှစ်ဆင့်စီပဲရှိတာတွေ့ရမယ်။ ကျနော်ပြောတဲ့နည်းမှာတော့ အထက်မှာပြထားတဲ့အတိုင်း သုံးချက်ရှိတယ်။ ဒီနည်းဟာ ကြို့ထိုးတဲ့ရောဂါကိုသာမဟုတ်ဘူး။ လေနဲ့ပတ်သက်တဲ့ အခြားရောဂါအတော်များများကိုလဲ ပျောက်ကင်းသက်သာစေနိုင်ပါတယ်လို့ ။