မိဘတွေကိုယ်စားတောင်းဆိုလိုက်ပါတယ်။

အရင်တုန်းကတော့ မေ နဲ့ ဖေ ဟာ ကျွန်တော်  တို့ရဲ့ကောင်းကင်ကြီးပါ။
သူတို့က"တစ်"ဆိုရင် ကျွန်တော် တို့ က"နှစ်"လို့ မဆန့်ကျင်ရဲခဲ့ပါဘူး။ ဒါပေမယ့်
ခုချိန်မှာတော့ ကျွန်တော် တို့ ဘာပြောပြော သူတို့နားထောင်တော့တယ်၊
ကျွန်တော် တို့်ပြောသမျှ အမှန်ဖြစ်တယ်။ သူတို့ဟာ တစ်နေ့တခြား အိုမင်းလာပြီ။
အားကိုးမှီခိုဖို့ စရှာပြီ။ သူတို့တစ်သက်မှာ ပိုင်ဆိုင်တာဆိုလို့
ကျွန်တော် တို့ ပဲရှိတော့တယ်။

သူငယ်ချင်းတစ်ယောက်က ပြောဖူးတယ်။

 

"တစ်နှစ်မှာ ငါတို့ အိမ် (၅)ခေါက် ပြန်ဖြစ်တယ် ဆိုပါစို့ ။  မိဘတွေ အသက်(၁ဝဝ)ထိ
နေနိုင်ခဲ့ရင်တောင် ငါတို့မိဘတွေကို နောက်နှစ် (၄၀) ပဲမှီတယ်ထား ၊ သူတို့ကို အကြိမ်(၂ဝဝ)လောက်ပဲ
ငါတို့ တွေ့နိုင်တော့မယ်"တဲ့။ မိဘနဲ့ တွေ့ဆုံရချိန်က တစ်ဖြည်းဖြည်း
နည်းနည်းသွားပါပြီ။

တစ်နှစ်ကို ၆-၇ကြိမ်ပြန်ခဲ့တယ်ထားဦး။ ပြန်တိုင်းလည်း အလျင်စလိုသွား
အလျင်စလိုပြန်နဲ့ သူတို့နဲ့ စကားကောင်းကောင်း ပြောခဲ့ရတာနည်းတယ်။ သူတို့က ကျွန်တော့် တို့

ကို သူတို့နဲ့အတူအိမ်မှာ ကြာကြာနေစေချင်ကြတယ်။ သူတို့ရဲ့ ဒီလိုတောင်းဆိုမှု နည်းနည်းလေးကို
ကျွန်တော်တို့ မဖြည့်ဆည်းပေးနိုင်ခဲ့ကြဘူး။

မိဘတွေ သက်ရှိထင်ရှား ရှိနေသေးတယ်ဆိုရင် အိမ်ကို မကြာခဏ ဖုန်းဆက်ပါ။
သူတို့အတွက် အချိန်မိနစ်ပိုင်းလေး ပေးရတာ မခက်ခဲပါဘူး။ ချစ်သူအတွက်
အချိန်တစ်နာရီပေးနိုင်ရင် မိဘအတွက်လည်း အချိန်၅မိနစ် ပေးနိုင်ရပါမယ်။
ပြောစရာစကားမရှိလည်း ဒီနေ့ ဘာစားသလဲ? ဒီနေ့ဘာတွေ အလုပ်များသလဲ?လို့ အရင်က
ကျွန်တော်တို့ကို သူတို့မေးခဲ့တာတွေ ပြန်မေးပါ။ ထပ်ထပ်မေးခံရလို့
ကျွန်တော်တို့စိတ်ရှုပ်ခဲ့သလို သူတို့ရှုပ်လိမ့်မယ် မဟုတ်ပါဘူး။

ကျွန်တော်တို့ရဲ့ ဘဝအတွက်၊ ရှေ့ရေးအတွက်ဆိုတာတွေက သူတို့ကို
လျစ်လျူရှုစေတဲ့ အကြောင်းရင်းဖြစ်တယ်။ သူတို့အပေါ် ကျွန်တော်တို့
တင်ကျန်နေတဲ့အကြွေးတွေ အများကြီးပါ... ဒါတွေကို ဒီနေရာမှာ
တောင်းပန်လိုက်ချင်ပါတယ်.. "ခွင့်လွတ်ပါ ဖေဖေနဲ့မေမေရယ်" လို့...

မိဘမေတ္တာက တစ်ကိုယ်ကောင်းမဆန်ဘူး။ တုန့်ပြန်မှု မလိုလားဘူး။ သားသမီးတွေ
ကျန်းကျန်းမာမာနဲ့ ကြီးပြင်းလာအောင် ပြုစုပျိုးထောင်ရတာ မလွယ်ကူဘူး။
သူတို့လုပ်သမျှ အရာအားလုံးဟာ သားသမီးတွေအတွက်ပဲဖြစ်တယ်။ ဒါကြောင့်
အချိန်ရရင် ဖုန်းဆက်ပါ၊ အိမ်ပြန်ပါလို့ မိဘတွေကိုယ်စား
တောင်းဆိုလိုက်ပါတယ်။